Lýsingarmøguleiki fyri leigubústaðir til lesandi
Kunningarskriv til útleigarar:
Góðu útleigarar,
Heilsuskúli Føroya arbeiðir fyri at gera tað lættari fyri okkara næmingar at finna góðar leigubústaðir
meðan teir ganga á skúlanum. Í hesum sambandi ynskja vit at bjóða tykkum at vera ein partur av
okkara nýggju tænastu.
Vit bjóða tykkum ein møguleika at lýsa við og vísa á tykkara leigubústaðir á okkara heimasíðu. Hetta
gevur tykkum møguleikan at røkka beinleiðis til okkara næmingar.
GG. Heilsuskúli Føroya tekur onga ábyrgd av nøkrum viðurskiftum ímillum útleigara og leigara í
hesum sambandi.
Hvat krevst fyri at vera við?
Vit ynskja at savna allar neyðugar upplýsingar um bústaðin, og heita á tykkum um at senda okkum:
- Eitt stutt lýsingarskriv av leigubústaðinum, sum hevur í sær:
- Stødd (m²)
- Tøl á kømurum
- Útgerð (t.d. køk, møblar, internet, o.a.)
- Møguliga prís og viðurskifti fyri leigumál (t.d. innskot, treytir o.a.) - Myndir av bústaðinum, ið geva eina góða fatan av støddini og sniði á bústaðinum
- Kontaktupplýsingar, soleiðis at næmingarnir kunnu seta seg í samband við tykkum beinleiðis,
bæði áðrenn og undir leigutíðina.
Hvat fáa tit burturúr?
- Økta atgongd til áhugaðir leigarar
- Ein einfaldan og ómakaleysan hátt at lýsa tykkara bústað fyri einum viðkomandi málbólki
- Møguleikan at verða skrásett í okkara yvirlitið, sum verður varpað á heimasíðu okkara, til okkara næmingar
Hvussu senda tit okkum upplýsingar?
Sendið tykkara lýsing, myndir og kontaktupplýsingar til:
Heilsuskúla Føroya
Teldupost: Denne e-mail adresse bliver beskyttet mod spambots. Du skal have JavaScript aktiveret for at vise den.
Viðmerkið heitið: “Lýsing av leigubústaði”
Vit gleða okkum at hoyra frá tykkum, og at kunna samstarva um at stuðla næmingunum hjá Heilsuskúla Føroya við at finna góð bústaðarviðurskifti.
Heilsuskúli Føroya
